CAGAYAN DE ORO CITY – Dili na makalusot ang anti-drug units kon pipila ka nila ang mohimo’g hinangal sa mga operasyon batok suspected drug pushers dinhi sa rehiyon.
Kini gawas sa body cameras nga e-instolar sa mga operatiba kon molusad sa pagdakop sa targeted drug personalities.
Kini human gibutyag ni Police Regional Office 10 Director Brig Gen Rolando Anduyan nga ‘LIVE’ nang ma-monitor sa Camp Alagar ang matag-operasyon sa ilang mga pulis.
Siya miingon nga tuyo niini nga mahunong ang mani-obra sa pipila ka pulis ug paghatag usab kanila’g proteksyon kon ugaling manumbong ang pamilya sa mga sakop sa sindikato nga ilang madakpan.
Una nang daghang milagro nga gakahitabo sa mga operasyon nga usahay mag-resulta sa pagkamatay sa suspected drug pushers sa pasangil nga sila nanukol sa mga otoridad nga modakop kanila.
Apan may mga hitabo usab nga disgrasya ang dangatan sa pipila ka operatiba kay may pipila gyud ka ‘hard core’ suspects ang manukol ug mamusil ayha kini mahingpit ma-neutralize sa govt state forces.
