CAGAYAN DE ORO CITY – Gihulat na lang sa Land Transportation Franchising and Regulatory Board o LTFRB 10 ang pinal nga kopya sa mando aron sugdan ang lapad nga pagpangdakop ngadto sa 2 porsiento nga ihap sa traditional jeepneys nga nagpasagad ug wala magpa-franchise consolidate dinhi sa Northrern Mindanao.
Kini ang gibutyag ni LTFRB-10 Director Abosamen Matuan nunot sa kasamtangang kahimtang sa modernization program nga gipatuman sa national government.
Miingon si Matuan nga nagsilbing tipik ang rehiyon sa performing office pag-abot sa PUJ modernization kay anaa na kini sa 98 porsiento.
Nagpasabot nga halos ang nagdagan sa kadalanan ang transport cooperative units na nga misanong sa kagsutuhan sa kagamhanan.
Siya miingon nga ipalugwa usab nila ang show cause order ngadto sa franchise holders kon nganong dili angay wad-an sa katungod pagkupot niini kay wala tagda ang mando sa kagamhanan.
Paghuman unya niini,ilusad sa LTFRB ang anti-kolurom campaigng kuyog ang ubang ahensiya sa gobierno aron mahipos na ang mga traditional jeepney.
