Gisaway sa Student Council Alliance of the Philippines ang giandam nga balaod sa Kongreso batok sa political dynasty tungod sa pagtuo nga wala kini ngipon ug ginagmay ra nga limitasyon.
Sumala ni Student Council Alliance of the Philippines Mindanao Chairperson John Philip Talaba, ikaduhang grado ra ang gidili sa Kongreso samtang ikaupat nga grado ang gisulong nga bawal sa Dapat Isa Lang movement.
Gipahayag sa batan-ong lider nga ang pagdominar sa usa ra ka pamilya nagdala og absolutong gahum nga nagpa-saka sa korapsyon sa gobyerno.
Tungod niini, gi-aghat sa batan-ong lider ang mga kabatan-onan nga mopirma sa inisyatiba aron mabungkag na ang paghari sa pipila ka abusadong pamilya ug makaserbisyo ang uban sa gobyerno.-
