CAGAYAN DE ORO CITY – Gawas sa hugot nga seguridad nga gipatuman sa Police Regional Office 10, wala usab nila hatagi’g tsansa nga makalusot ang posibleng paglihok sa grupo sa mga tulisan ug mga akyat-bahay group nga hayan mosakay sa panahon ning semana santa.
Miingon si PRO 10 spokesperson Major Joann Navarro nga mohimo’g pagsuroy ang ilang PNP officials sa mga lugar diin dagsa ang katawhan sa pagsiguro nga nasunod ang gipatuman nga security implementation strategy.
Siya miingon nga mohimo usab sa mobile patrolling ang laing grupo sa mga pulis.
Kini sa pagsiguro nga walay mga dagkong patigayon ug residential houses nga maigo sa mga sakay sa panahon sanglit adlaw’ng Lunes pa ang pagbalik-normal sa mga transaksyon sa kagamhanan.
