CAGAYAN DE ORO CITY – Gisuportahan ni Bukidnon 4th District Representative Oniel Roque ang Anti-Terrorism Act of 2020.
Sa exclusive interview sa Bombo Radyo kang Congressman Roque, namugos kini nga dili basta-basta mudakop ang mga pulis ug sundalo sa suspek nga gi-akusahang terorista tungod kay lakip nga mugnaon sa maong balaod ang anti-terrorism council.
Kini nagpasabot nga kinahanglang lihitemong miyembro sa terorista ang sakop sa balaod.
Base sa probisyon sa sugyot, mahimong dakpon ang gitudlong terorista pinaagi sa warrantless arrest, ilabe kung kini nalambigit sa pagpamomba ug rebellious activities.
