Nagatoo ang anti-war advocate nga si Ben Tiu Contreras nga usa lamang ka porma sa black propaganda ang pagpagawas matod pa og dili kompleto nga detalye sa mainstream media kabahin sa nahitabong tensyon o pagpangatake sa mga Chinese Coast Guard sa mga Pilipinong sundalo sa West Philippine Sea.
Subay niini, gipasabot niya nga ang unang mga video nga gipagawas ni spokesperson of the Philippine Coast Guard for the West Philippine Sea Rear Admiral Jay Tristan Tarriela nagpakita lamang sa usa ka bahin ug nagpahatag og sayop nga impresyon batok sa China.
Samtang giklaro usab niya base sa video nga gipagawas sa Chinese embassy nga ang mga Pilipinong baruto ang matod pa ang miuna ug dool ug miatake sa mga Chinese nga nagpatrolya.
Busa nanawagan siya sa publiko nga susihon pag-ayo ang mga impormasyon aron dili madala sa mga propaganda nga naghatag og libog sa katawhan.
