Gipadayag sa anti-war advocate nga si Ben Tiu Contreras ang iyang kabaka bahin sa presensya sa pipila ka sundalong Amerikano ug mga opisyal sa PHIVIDEC nga misulay pag-atbang sa gitrangkahan nga pasilidad sa SanJia Steel Corporation sa lungsod sa Tagoloan.
Sumala sa pahayag ni Contreras, ang gihimong lakang nagpahinumdom sa nahitabo kaniadto sa insidente sa SAF 44 diin una nga gideny sa embahada sa America ang ilang presensya apan sa ulahi napamatud-an pinaagi sa mga video footage.
Dugang pa ni Contreras, adunay dako nga posibilidad nga ang maong mga langyaw nga opisyal sakop sa Central Intelligence Agency o CIA.
Gitaho usab niya nga ang tinuod nga katuyoan sa pagpaserado sa maong pabrika mao ang paggamit sa tibuok dapit para sa gisugyot nga naval base sa nahisgotang lungsod.
