MANILA – Gipaniguro sa Department of Labor and Employment nga tabangan ang tanan trabahante nga mawad-an sa trabaho, tungod sa gimando nga “absolute ban” sa Philippine Offshore Gaming Operation sa Pilipinas.
Miingon si DOLE Sec Bienvenido Laguesma nga kinahanglan makigkoordinar ang empleyado sa ilang employers sa mga gustong mo-avail sa ihatag nga assistance sa gobyerno aron sila makakita sa ihuklip nga trabaho.
Una niini, nakadawat sa lapad nga pagdayeg si Presidente Bongbong Marcos human niya gideklarar sa iyang ikatulo nga State of the Nation Address nga langkaton sa iyang administrasyon ang tanang POGO.
Kini aron subli mahimong desente ug luwas sa kriminal nga aktibidad ang mga negosyo sa nasud.(Bombo Anne Quileste).
