Ipagawas na sa Appeals Chamber sa International Criminal Court (ICC) sa Abril 22, 2026 alas 11:00 sa buntag (oras sa The Hague), ang desisyon kabahin sa gi-apelar sa Depensa batok sa desisyon sa Pre‑Trial Chamber I niadtong Oktubre 23, 2025 nga nagsalikway sa pagkuwestiyon sa hurisdiksiyon sa Korte sa kaso nga The Prosecutor v. Rodrigo Roa Duterte.
Ang desisyon ipahayag sa open court ug mahimong masubay live sa website sa Korte.
Niadtong Oktubre 23, 2025, gisalikway sa Pre‑Trial Chamber I ang pagkuwestiyon sa hurisdiksiyon nga gisang-at sa Depensa.
Human niini, niadtong Oktubre 28, 2025, nagsumiter ang depensa ni kanhi Presidente Duterte sa Notice of Appeal batok sa maong desisyon.
Samtang niadtong Nobyembre 14, 2025, ilang gisumiter ang Appeal Brief on Jurisdiction.
