MANILA – Namumpa na atubangan kang Department of the Interior and Local Government Sec.Benjamin Abalos Jr ang mga lokal nga opisyal sa Bamban, Tarlac nga temporaryong muhawid sa operasyon sa munisipalidad sulod sa tulo ka bulan.
Gitin-aw ni Abalos nga gikan sa tolo ka partido sa munisipalidad, ang DILG maoy mupili sa mga bakante nga posisyon sa munisipyo. Kini nga partido nagsumikad sa civil society groups, ug usa sa Philippine Councilors League.
Acting in capacity ang hawiran nga posisyon nila Vice Mayor Godofredo Lumboy ug Acting Sanggunian Members sila Ferdinand Simbal, Fernando David, Jackson Delos Reyes, Mabel Conjuanco ug Tee Jay Sibal.
Human maupos ang tulo ka bulan nga suspension sa vice mayor ug mga konsehal, ayha pa ipatuman ang ‘law of succession’.
Kung mahinumduman nga dili na makabalik si Alice Guo isip mayor sa Bamban Tarlac human gitratar kini’g pugante sa NBI ug karon nagtagu-tago sa Indonesia gumikan sa iyang kaso sa paggamit sa peke nga identidad ug pagkalambigit sa lapad nga ilegal POGO hubs sa Central Luzon.
Sa miaging bulan, una nang gitudlo isip acting mayor si Councilor Erano Timbang, kinsa maoy nag-inusarang opisyal sa Bamban nga wala gisuspenso sa gobyerno.
Kagahapon, tungod sa kaso ni Guo, gitawag ni Senador Sherwin Gatchalian ang natangtang nga mayor isip professional liar. (Bombo Anne Quileste).
