Aprubado na sa 21st City Council ang dinalian nga hangyo ni Mayor Klarex Uy nga makipag-istorya sa bangko alang sa 8.5 billion pesos nga loan aron makapalit og yuta ug makapatukod sa bag-ong City Hall nga tawgon nga Government Complex sa Uptown Cagayan de Oro.
Nakuha ang paborableng boto pinaagi sa 15 ka opisyal gikan sa Majority, samtang tulo ka sakop sa Minority ang nisupak ug nag-abstain si Konsehal Junjun Rodriguez.
Hinoon, gitin-aw sa majority floor leader nga si Edgar Cabanlas ug Konsehal Alam Lim nga makatabang ang bag-ong complex sa pagpaduol sa serbisyo sa gobyerno, taliwala sa gipadayag nga kabalaka ni Konsehal Yvy Emano bahin sa katakos sa dakbayan sa pagbayad.
Tungod sa desisyon sa konseho, madayon na gayud ang paglihok sa dako nga proyekto alang sa mas bag-o ug kompleto nga sentro sa serbisyo sa dakbayan
