Taliwala sa tinuig nga selebrasyon sa naangkon nga arbitral ruling sa nasud, nagpabilin gihapon ang tension sa Pilipinas ug sa China, busa lisod matod pa alang kang geopolitical analyst Herman Tiu Laurel nga iselebrar ang usa ka anibersaryo nga dili mabati ug tension lang ang nahatag sa Pilipinas.
Gipasabot sa eksperto nga human sa napulo ka tuig, wala gihapoy konkretong kapuslanan alang sa mga mangingisda ang maong diplomatikong desisyon, hinunoa mas gipainit pa niini ang kahimtang sa kadagatan.
Sa laing bahin, giyagyag usab ni Laurel nga zero na karon ang economic opportunities ug infrastructure projects gikan sa China, sukwahi sa 25 bilyones dolyares nga mga kasabutan kaniadto panahon ni kanhi Presidente Duterte.
Giklaro usab niya nga dili tinuod ang pagtuo nga UN-backed ang arbitral award tungod kay wala kini reviewha sa International Tribunal for the Law of the Sea, ang bugtong korte nga adunay hurisdiksyon sa maong mga hisgutanan.
