CAGAYAN DE ORO CITY – Gihagit sa arkidiyosis sa Cagayan de Oro ang mga botante nga gamiton sa lawom nga pagpalamandong ang Semana Santa aron magiyahan sa pagbotar sa mga kandidato sa eleksyon sa Mayo 13 ning tuiga.
Miingon si Archbishop Antonio Ledesma sa Society of Jesus nga angayan huna-hunaon pag-ayo sa mga botante ang mga pulitiko nga may kapas mohatag kalambuan alang sa mga kabus.
Siya nagtoo nga mahimong mulambo ang syudad ug lalawigan kung walay mga kabus nga mabiyaan sa paspas nga kalambuan nga makita ibabaw sa kalibutan.
