CAGAYAN DE ORO CITY – Lawom nga paghinulsol sa mga sala ug pagbalaan sa Huwebes ug Biyernes Santo ang gipanawagan sa arkidiyosis ning syudad.
Si Archbishop Antonio Ledesma sa Society of Jesus (SJ) nanawagan sa tanan Kristiyano nga bation ang kasakit sa Labaw nga Makagagahom aron maka-amgo ug makalikay sa pagpakasala.
Kuyog niini ang iyang panawagan nga mahimong responsable nga kristiyano ang mga botante.
Nagtinguha si Bishop Ledesma nga mapangita sa mga botante ang lima ka “KA” sa usa ka pulitiko nga maoy ma-instular isip opisyal sa gobyerno human sa piliay.
Kini naglangkob sa konsensya, kakayahan, kalooy, kauban kon companionship, ug kaakuhan.
