Gieskedyul na ni Archdiocese of Cagayan de Oro Chief Exorcist Fr. Jun Balsamo karong Agosto 12 ang pamilya sa upat ka estudyante gikan sa Tagoloan, Misamis Oriental alang sa interview, deliverance, o exorcism.
Kini human pipila ka beses nga gitabang ang mga estudyante samtang nagpa-training sa ilang eskwelahan tungod kay giingong gisudlan kini og dili ingon nato o daotang espiritu.
Gitinaw sa pari nga dili siya basta-basta moadto sa maong dapit samtang wala pay pormal nga imbitasyon gikan sa mga lider sa lugar.
Tungod niini, mas gihatagan una niya og pagtagad ang pagsusi sa kahimtang sa pamilya aron ma-address ug masulbad ang bisan unsang pultahan nga posibleng naablihan sa maong insidente.
