Gipangandaman na sa Archdiocese sa Cagayan de Oro ug sa pamunoan sa dakbayan ang gipaabot nga kapistahan ni Señor San Agustin pinaagi sa mas gipahugtan nga seguridad ug han-ay nga mga kalihokan.
Sumala ni Cathedral Rector Rev. Msgr. Raul Ricacho, nagpasalig ang kapulisan ug ang buhatan ni Mayor Rolando “Klarex” Uy nga ilang sigurohon ang kalinaw sa tanang aktibidad.
Gidugang sa pari nga planong padak-an ang Fluvial Parade gikan sa Bugo paingon sa Opol nga adunay labing menos 60 ka baroto, diin sa Isla de Oro una kini modunggo tungod sa nagpadayong pag-ayo sa tulay sa Duaw Park.
Gawas pa niana, molihok ang tradisyonal nga prosesyon pagkahuman sa misa sa alas-4:15 sa hapon diin sundon ang naandang rota gikan sa Fernandez Street, Velez, Luna, ug Capistrano pabalik sa Katedral
