Gihangyo karon sa Archdiocese of Cagayan de Oro ang katawhan nga dili na maghulat pa sa aksyon sa gobyerno aron batokan ang nagkalain-laing epekto sa climate change.
Gipahayag ni Integral Ecology Coordinator Donna Echalico nga angayan nga mangusog ug magtinabangay ang matag pamilya pinaagi sa pagpananom sa palibot sa ilang panimalay, tungod kay dako kaayo kini og tabang samtang nagkadaghan ang giatubang nga problema ug trabaho sa kagamhanan.
Subay niini, gipasabot sa opisyal nga kinahanglan gayud mapugngan nga dili molapas sa 1.5 hangtod 2.0 degrees Celsius ang kainit aron dili maabot ang gitawag nga “tipping point” o ang dili na mabawi nga pagkadaot sa kalibutan.
Busa, gihatagan ug gibu-gaton ni Echalico nga kon magpabilin nga magtinabangay ang tanan ug dili na magpalabay sa oras, mapanalipdan pa gyud ang atong kinaiyahan.
