Hugot nga seguridad ang ipatuman sa North Atlantic Treaty Organization (NATO) sa Arctic Region nunot sa pasidaan ni United States President Donald Trump nga angkonon ang Greenland, sa bisan unsang paagi. Sa gilusad nga press conference sa Croatia, gipamugos ni NATO Secretary General Mark Rutte nga nagka-uyon na ang mga miyembro sa alyansa nagkauyon sa paghatag sa labing hinanali nga seguridad sa rehiyon gumikan sa kontrobersyal nga laraw ni Trump. Hisayran nga kasamtangang milusad sa state visit sa Croatia si Rutte aron ipalanog ang baruganan sa organisasyon, ug aron dili ma-impluwensiyahan sa China ug Russia ang Arctic. Una niini, ang gobyerno sa Denmark, pinaagi sa ilang mga opisyales, mikondena sa hulga ni Trump nga gamiton ang puwersa aron makuha ang teritoryo. Ang mga miyembro sa European Union nagpakita sa ilang kabalaka ug nagduso sa mas lig-on nga koordinasyon sa depensa sa Arctic.
