MITUNOL sa tabang ang Archdiocese of Cagayan de Oro alang sa mga apektadong katawhan sa Iligan City human sa Bagyong Basyang, sumala ni Bong Florendo, Archdiocese Social Action Coordinator.
Matod pa niya, nakapadala ang simbahan sa Cagayan de Oro og 30 ka kahon sa mga used clothing, 100 ka kahon nga adunay sulod nga 5 ka kilo nga bugas, ug 2 ka kahon sa 25 kilos nga bugas.
Naalarma usab si Florendo sa dihang nakita ang daghang katawhan, ilabi na ang mga bata, nga nagatiniil lang sa lapok sa kadalanan.
Mihangyo siya sa Archdiocese of Iligan nga matabangan ang katawhan pinaagi sa pagpalit og tambal batok sa leptospirosis, aron maprotektahan ang mga residente samtang padayun ang paglimpyo sa mga lugar nga napuno sa lapok nga gibilin sa bagyo.
