CAGAYAN DE ORO CITY -pasaka na ang kasong illegal possession of firearms and ammunition kon kalapasan sa RA 10591 batok sa 27 anyos nga pintor nga nababagan sa gilusad nga Oplan Bakal Sita sa checkpoint sa Purok-13, Brgy. Poblacion, Valencia City, Bukidnon.
Giila ang dinakpan nga si Cristituto Bautista, ulitawo, usa ka pintor ug residente sa Purok-6, Nahalin, Brgy. San Isidro, sa susamang syudad.
Base sa report, nakita nilang kadudahan ang lihok sa suspek samtang paduol sa checkpoint area.
Sa paglakag sa mga pulis, nasapon nilang walay helmet, ug walay plate number ang gidrayber nga motor sa suspek.
Pagbukas sa u-box sa motor, ilang narekober ang usa ka holster nga dunay usa ka unit 357 magnum pistol ug lima ka mga bala.
.
