CAGAYAN DE ORO CITY, Philippines – Balik sa prisohan ang kanhi person deprived with liberty human narekober sa Provincial Drug Enforcement Unit – Bukidnon Police Provincial Office (PDEU-BUKPPO) sa iyang posisyon ang P209-k nga street value sa shabu sa gilusad nga drug buy bust operation sa Purok 12A, Poblacion, Valencia City, Bukidnon.
Ang suspek nagpangidad sa 29, walay trabaho ug residente sa Purok 2B Kahaponan, sa susamang syudad.
Hisayran nga kini na ikatulo nga higayon nga napaslak sa prisohan ang suspek human wala kini miundang sa pagpuhot sa druga sukad kini nahatagan sa duha ka plea bargaining iyang kaso sa korte.
Gibutyag sa suspek nga ang iyang supplier sa shabu gikan pa sa Lanao del Sur ug nagsilbi siyang tighatud sa mga supply sa Valencia ug kasigpit nga mga lugar sa Bukidnon.
Wala na misukol ang suspek sa pagsikop kaniya busa lakip na kompiskar iyang bitbit nga 45 kalibre nga pistola, usa ka steel magazine sa kalibre 45 ug upat ka bala.
#
