CAGAYAN DE ORO CITY – Nasanta pinaagi sa police check point ang usa ka armadong lalaki didto sa Purok-1 Poblaccion, Kadingilan Bukidnon.
Segun sa report sa Kadingilan Municipal Police Station nagbibit ang suspek sa magnum 367 nga kalibre.
Giila ang nadakpan nga suspek nga si Leopoldo Epano Dizon, hingkod ang panuigon ug molopyo sa maong dapit.
Hisayran nga walay mahatag nga dokumento ang suspek atol sa pag interogar kaniya sa mga otoridad.
Paslak na sa presohan ang nadakpan nga armado.
