CAGAYAN DE ORO CITY – Gitin-aw ni Police Senior Master Sgt. Guillermo Casino, sa Tagoloan Municipal Police Station nga gi-surrender ni kanhi Tagoloan Municipal Councilor Lamberto Neri ang iyang kalibre 45 nga armas sa ilang istasyon.
Namahayag si Sarhento Casino nga ang pagtahan ni Neri sa iyang armas walay kalambigitan sa gi-isyu nga search warrant sa korte apan, kabahin kini sa ilang Oplan Katok.
Ang oplan katok usa ka klase sa kampanya sa Misamis Oriental Provincial Police Office alang sa tanan gun holders nga boluntaryong musurrender sa ilang mga armas nga paso ang lisensya ug hupas nga permit to carry license.
