CAGAYAN DE ORO CITY – Nabawia’g mga armas ingon mga bala sa militar ang mga sakop sa Dawlah Ismaiyah-Maute Group nga nagtagu-tago sa lungsod sa Balindong,Lanao del Sur.
Namahayag si 103rd Infantry Batallion commander Army Brig Gen Yegor Barroquillo Jr nga maoy nabawi sa ilang tropa ang taas nga kalibre sa armas,mga bala ug ubang kagamitan sa giyera.
Siya miingon nga pagpamatood kini nga wala lung-i sa gobierno ang paggukod sa maong grupo aron hingpit nawala ang pagsabwag kagubot sa mga lugar sa Lanao del Sur.
Dugtong niini,gidasig usab ni 1st Infantry Division commander Maj Gen Gabriel Viray III ang nabiling mga terorista nga motahan na lang samtang may igong panahon pa.
Kini tungod kay dili mohunong ang puwersa sa gobierno paggukod batok sa mga kaaway sa estado nga naglakip sa mga terorista nga dakong bahad sa seguridad sa nasud.
Hisayrang ubay-ubay’ng mga sakop na sa mga terorista sa Lanao del Sur ang mitahan-balik sa gobierno samtang ang uban nakabsan sa kinabuhi tungod sa ilang pakig-engkuwentro.
