CAGAYAN DE ORO CITY – Nagpadayon ang manhunt operation sa militar sa grupo sa mga rebeldeng NPA nga ilang na-engkwetro diha sa Sitio Mangilit, Brgy. Bal-ason, Gingoog City, Misamis Oriental.
Gibutyag ni 58th IB Civil Military Operations Officer 1Lt. Vincent Mark Maddul nga natigayon ang 15 minutos nga ingkwentro human sila nakadawat sa report gikan sa mga sibilyan bahin sa presinsiya sa dili mominus sa 15 ka rebelde sa maong lugar.
Walay casualties sa panig sa militar apan gitoohang may namatay o naangol sa panig sa mga rebelde.
Na-recover sa mga sundalo gikan sa ‘firing line’ ang usa ka AK-47 assault rifle, duha backpacks ug mga subersibong dokomento.
