CAGAYAN DE ORO CITY-Gikonsiderar ni Lanao del Sur Vice Gov Mamintal Bombit Adiong nga dakung kawad-on si Sec Jesus Dureza sa Office of the Presidential Adviser of the Peace Process.
Miingon si Adiong nga walay sama ni Dureza nga mihupot na sa daghang kalampusan aron mapatunhay ang kalinaw sa mindanao.
Dugtong niini, malaumon si ARMM 1st District Assemblyman Zia Alonto Adiong nga magpabiling nag-unang prayoridad sa programa ni Pres Rodrigo Duterte ang Marawi Rehabilitation.
Gipabati ni Adiong ang iyang kabalaka human miluwat sa pwesto si Dureza, tungod sa corruption allegations batok sa ilang mga undersecretaries.
Sa interbyu sa Bombo Radyo, miingon si Adiong nga daku ang nahimong papel ni Dureza sa pagtukod sa peace corridor panahon sa Marawi Siege lakip na ang pagpaningkamot nga mapabarug subli ang ilang syudad.
