CAGAYAN DE ORO CITY-Gawasnon na si Army Technical Sargeant Joseph Paredes nga taga- Misamis Oriental nga
unang gidagit sa rebeldeng New People’s Army o NPA sa Valencia City,Bukidnon sa miaging mga semana.
Kini human pormal nga gitugyan sa mga rebelde si Paredes ngadto sa pinuy-anan ni Valencia City Mayor Azucena Huervas kagahapong adlawa.
Namahayag si National Democratic Front o NDF peace consultant Alfredo Mapano alyas Ka Pares nga ilang gihimo ang pagbuhi isip pagpalig-on sa confidence building samtang ilusad ang ika-5 nga hugna sa peace talks tali sa gobierno ug CPP-NPA-NDF sa Netherlands sulod ning semanaha.
