CAGAYAN DE ORO CITY-Gikompirmar karon ni PNP regional spokesperson Supt Lemuel Gonda nga nadagit sa rebeldeng New People’s Army o NPA ang opisyal sa sundalo sa Brgy Poblacion,Valencia City,Bukidnon sa miaging gabii.
Giila ang kini nga si Technical Sargeant Joseph Paredes nga nadestino sa 8th IB,Philippine Army sa maong lugar.
Si Gonda miingon nga nadagit si Paredes tungod sa gilusad nga checkpoint sa teroristang NPA samtang gironda ang Dasia Security Agency diin daghang tag-as ug mubo nga armas ang nakawat.
Samtang pagtakuban lamang ang gihimo sa rebeldeng New People’s Army o NPA sa paghingusog nga kab-uton ang kahusay’g kalinaw sa nasud-Pilipinhon.
Kini ang dismayado nga pahayag sa militar human dagita sa mga rebelde si Paredes sa Valencia City,Bukidnon sa miaging gabii.
Gibutyag ni 403rd IB civil military operations head Capt Norman Tagros nga walay kapuslanan ang paghatag importansiya sa gobierno sa peacetalks ngadto sa mga rebelde kon kanunay lamang sila mangdagit sa kasundaluhan o kapolisan.
