CAGAYAN DE ORO CITY – Gikasubo sa tropa sa 103rd IB,Philippine Army ang kamatayon sa ilang deputy commander nga nalumos-patay samtang mihimo sa scuba diving diha sa lungsod sa Purok 6,Brgy Tubigan, Initao,Misamis Oriental.
Giila ni Patrolman Cito Balaba sa Initao Police Station ang biktima nga si Army Col Nolie Anquillano,54 anyos nga nadestino sa 103rd IB,Philippine Army nga nakabase sa Camp Ranao,Marawi City.
Miingon si Balaba nga unang na missing ang biktima ayha sa pagkabuntag ug sa bandang hapon na nga nakit-an sa mga nangita niini.
Gidala pa sa ospital ang biktima apan deklarado na nga patay sa mga doktor nga miatiman kaniya sa miaging semana.
Si Anquillano ang kanhi usab natahasan sa peace keeping force sa ubang kanasuran ayha mibalik sa nasud ug natahasan sa Mindanao partikular sa AFP Western Mindanao Command diin sakop ang Lanao del Sur.
