CAGAYAN DE ORO CITY – Gitahas karon ni AFP-Eastern Mindanao Command commander Lt Gen Luis Bergante kang 4ID commander Brig Gen Michelle Anayron Jr nga gukdon ang nabiling security protector sa napatay nga si CPP-NPA Northeastern Mindanao Regional Committee commander Myrna Sularte alyas Kumander Maria Malaya nga anaa sa bukirang bahin sa Caraga region.
Kini sa tuyo nga hingpit nang malumpag ang katapusang giingong stronghold sa CPP-NPA nga nakabase sa Mindanao.
Miingon si 4ID spokesperson Lt Col Francisco Garello Jr nga tungod sa pagkamtay ni Malaya,mobisita si Bergante sa Kampo Evangelista ning adlawa aron hatagan sa pasidungog ang tropa nga nakapatay sa gikaintapang lider sa mga rebelde nga naglihok sa nasud.
Si Malaya ang napatay atoll sa pakig-engkuwentro niini sa 30th IB sa Brgy Pianing,Butuan City sa miaging semana.
Samtang alang sa militar wala na’y kapadulngan rason nga angayang motahan na lang ang mga sakop ni Malaya sa kagamhanan.
Kini ang subli gipalanog nga mensahe ni Garello alayon sa gipalig-on pa nga opensiba sa mga rebelde nga nakabase sa Northern Mindanao ug Caraga regions.
Miingon si Garello nga dugay nang panahon nga gipamatud-an sa gobierno nga sensiro kini sa paghatag sa laing kahigayonan sa mga rebelde nga magbag-o sa ilang mga kinabuhi kon makahukom nga ihunong na ang armadong pakigbisog batok sa estado.
Hisayrang wala na’y naglihok nga bisan unsa nga NPA guerrilla fronts ubos sa Caraga- Northern Mindanao regions.
