Mi-demanda si expelled Negros Oriental 3rd District Cong. Arnulfo Teves Jr nga unta dalion ang pag-resolbar sa iyang mga kaso nga giatubang sa korte.
Kini tungod kay nagtoo siya nga makab-ot ang dinalian nga resulta sa iyang mga kaso kung tinud-anay nga trabahuon sa mga modungog niini.
Gihimo ni Teves ang apelar nunot sa pag-atubang niini sa mga sakop sa media sulod sa buhatan sa National Bureau of Investigation o NBI.
Gibarugan sa kanhi kongresista nga limpyo daw ang iyang konsensiya.
Si Teves ang gitumbok nga pinakautok sa pagpapatay kang Negros Oriental Gov. Roel Degamo niadtong Marso 4,2023.
Hisayrang sa wala pa ang hitabo kang Degamo,daan nang nakagawas sa Pilipinas si Teves ug giingong nagpa-stem cell sa Amerika apan nasuta lamang gihapon nga giakusahang nalambigit sa Degamo killing tungod sa mga nadakpan nga armadong mga tawo.
