Naka-kustodiya na sa mini-cell sa National Bureau of Investigation o NBI -Manila si expelled Negros Oriental 3rd District Cong. Arnulfo ‘Arnie’ Teves Jr.
Kini human nahidangat ang maong pinangita sa balaod gikan sa pagpa-deport kaniya sa Timor Leste govt diin siya nag-atubang sa daghang kasong kriminal sa mga korte sa Pilipinas.
Mismo ang grupo ni NBI Director Atty. Jaime Santiago ang midawat kang Teves dihang gitugya sa gobierno sa Timor Leste sukad nasikop sa gisak-an niya nga balay sa Dili City sa milabay’ng Martes.
Dugtong niini,gipasalamtan ni Pres Bongbong Marcos ang gobierno sa Timor Leste nga maoy naningkamot nga makapauli si Teves sa Pilipinas aron atubangon ang mga salaod nga gipasangil batok kaniya.
Hisayrang pinakaulahi nga pasangil batok Teves ang pagpapatay kang Negros Oriental Gov. Roel Degamo ug laing walo ka political supporters sulod sa pinuy-anan niini sa munisipyo sa Pamplona niadtong Marso 4, 2023.
