CAGAYAN DE ORO CITY – Walay nahitabong arraignment sa kasong gi-atubang sa gibansagang estafe queen nga si Erma Taule didto sa Lanao del Norte Regional Trial Court, kagahapon.
Gitin-aw sa Philippine National Police nga gidala nila sa Iligan City ang suspek human usa ka Casangoan Marohom ang nagfile sa kasong large scale stafa batok kanila.
Gi-isyu ang warrant of arrest ni Taule didto sa iyang pinuy-anan sa Marikina City Hunyo 11, ug gidala kini sa Iligan Hunyo 13.
Pabiling nakadetenar ang suspect sa Iligan City Police Office samtang naghulat sa adlaw sa iyang arraignment.
Una niini, kapin 24 ka mga construction firm ang nailad ni Towle, kuyog sa iyang Malaysian husband nga si Bradley Miles Towle nga duna pay kasong large scale human trafficking ug illegal recruiment sa maong nasud.
Base sa ulahing report, misaka pa sa kapin kon kulang P100-Milyon ang nabulsa sa magti-ayong swindlers.
