CAGAYAN DE ORO CITY – Gihangyo ni BFP-Carmen Station commander SFO4 Samson Velarde ang mga residente nga nasunugan sa Binonoan Creek, Mabolo St. Brgy Carmen nga makigkoordinar sa ilang himoon nga imbestigasyon.
Kini human kabahin sa anggulo nga giimbestigaran sa BFP ang posibilidad nga gituyo ang pagsunog diin naggikan ang dakong kalayo sa panimalay si Roger Cabañeros.
Sumala ni Velarde nga nakadawat sila’g impormasyon nga adunay duha ka lalake nga paspas nga misibat dihang miulbo ang dakong kalayo sa maong lugar.
Kahinumduman nga moabot sa 40 ka balay ang naugdaw sa sunog diin 83 ka pamilya o halos 300 ka indibiduals ang nawad-an sa panimalay.
Anaa usab sa P12 million ang natala nga damyos sa sunog nga miabot sa 3rd alarm sa miaging gabii.
