Artikulo Onse questions Pax Silica's promise of jobs for Filipinos, citing concerns over limited roles, foreign control, and lack of tech transfer. Read more.

Nagduda ang grupong Artikulo Onse sa mga saad nga makahatag sa daghang trabaho sa mga Pilipino ang proyektong Pax Silica, nga ilang gihulagway nga kapareho ra sa mga pangakong dugay nang gisulti sa nagkadaiyang administrasyon.

Matud ni Artikulo Onse Convenor Leody De Guzman, nagpabilin nga taas ang ihap sa mga walay trabaho ug kulang og kita nga mamumuo samtang daghan gihapong mga Pilipino ang napugos sa pagpangitag hanapbuhay sa gawas sa nasud.

Gipasabut niini nga kasagaran sa mahimong mahatag nga trabaho sa proyekto limitado lamang sa construction ug ubos nga lebel sa empleyo sa panahon sa pagtukod sa 1,619 ka ektaryang pasilidad.

Gitumbok usab ni De Guzman nga posible nga dili maangkon sa mga lokal nga trabahante ang kahibalo sa advanced nga teknolohiya tungod kay kontrolado kini sa mga langyawng kompanya nga nagdumala sa produksyon sa semiconductor.

Gisaway sa grupo ang kakulang sa lig-on nga programa sa gobyerno alang sa pagpalambo sa nasudnong industriya, hinungdan nga wala sila naglaom sa tinuod nga pagbalhin sa teknolohiya ug pangmatagalan nga kaayohan gikan sa maong proyekto