Gustong ipanubag sa pundok sa Artikulo Onse ang mga lider sa nasud nga nagpabaya sa kahimtang sa mga mamumuo sa nasud.
Sa white ribbon niadtong Domingo, gipaninggit ni Atty. Luke Espiritu sa maong grupo nga kinahanglan manubag ug mapriso ang tanang opisyal nga nalambigit sa korapsyon ug paglapas sa katungod sa mga mamumuo.
Gikondena usab niya ang pagharang ni kanhi Presidente Rodrigo Duterte sa Security of Tenure Law taliwala sa mga tuig 2017 ngadto sa 2019, ingon man ang pagbabag ni Presidente Bongbong Marcos sa sugyot nga umento sa suholan nga moabot og duha ka gatos ka pesos sa House of Representatives ug usa ka gatos ka pesos sa Senado.
Hinuon, gipadayag niya nga angay usab nga ma-impeach si Bise Presidente Sara Duterte aron makab-ot ang tinuod nga hustisya alang sa mga naglisod nga trabahante.
