CAGAYAN DE ORO CITY – Wala pa’y tubag si eight world division champion Manny Pacquiao sa direktang hagi ni WBO welterweight champion Terence Crawford magkaaway sa tuig 2021.
Kini human unang gi-knockout ni Crawford ang sa 4th round si British boxer Kell Brook sa ilang away sa Las Vegas,Nevada,USA kagahapong adlawa.
Miingon si Crawford nga itugyan niya kang Top Rank Promotions Pres Bob Arum ang sunod niini nga fight game.
Dugang ni Terence nga uyon siya sa kagustuhan ni Arum nga hatagan nila sa prioridad si Pacman nga ikasangka itandi sa ubang mga boksidor sama kang Errol Spence Jr.
Una nang gipasalig ni Arum nga ihinayon na nila ang negosasyon sa Pacman-Crawford fight nga nahunong tungod sa pandemya sa COVID-19.
Miingon si Arum nga andam na ang salapi nga magamit alang sa away ni Pacman ug Terence diin dakong tsansa nga ilusad kini sa Middle East sunod tuig.
