Gi-atangan sa August Twenty-One Movement (ATOM) ang mga posibleng kalambuan sa imbestigasyon sa lapad nga korapsyon sa flood control scandal sa nasud.
Nunot kini sa gipasigarbo ni Presidente Bongbong Marcos nga pahayag nga sa dili pa muabot ang Pasko aduna nay mapapanubag sa maong isyu, gawas pa sa pag-ingon nga daghan ang magpasko sulod sa prisohan, ning tuiga.
Apan sumala sa dagan imbestigasyon, namatikdan sa ATOM nga kalit na adunay kahilom.
Namahayag si Volt Bohol, presidente a grupo, nga nakahatag kini’g pangit nga impresyon kay dool na ang PASKO ug wala pay tinud-anay nga nakasuhan, ug napapriso.
Dugang pa ni Bohol, dili sila uyon sa gipamulong nga “Romualdez or nothing” ni Marcos kay nagtuo sila nga ang nasud angay mahibaw-an ang makatuoran bisan pa’g sood nga kaalyado o higala niini ang malambigit.
Una niini, nagduda ang ATOM nga aduna pa’y taas nga opisyal kang kanhi Speaker Martin Romualdez nga gitoohang mastermind sa tanan pangurakot sa kwarta sa katawhan.
