CAGAYAN DE ORO CITY-Nadakpan sa joint operation sa kapulisan ug kasundalohan ang asawa sa napatay nga kanhiay leader sa JI nga si Zulkifli Bin Hir aka Marwan sa Purok 5, Poblacion Tubod Lanao del Norte.
Gawas sa suspek nga si Juromee Dongon, asawa ni Marwan, nadakpan usab sa mga otoridad ang laing upat ka nga suspek nga sila si SP04 Andy Atta ug asawa niini nga si Lorilie Atta, igsoon ni Juromee; Romeo Dungon, amahan ni Juromee ug Norein Santos, igsoon sa suspect.
Sila gidakop pinaagi sa search warrant nga gisilbi sa mga otoridad tungod sa kasong RA 10591 kon illegal possession of firearms ug RA 9516 kon illegal possession of explosives.
Nakuha sa ilang possession ang usa ka granada; 6 ka blasting caps; 2 ka electric detonating cord; plastic container; 2 ka sling bag; 1 ka 9mm Glock 17; 3 ka magazine; ug 37 ka mga buhing bala.
Nakumpiska usab sa posisyon sa amahan ug igsoon niini ang 1 ka .45 caliber pistol; magazine; M61 grenade; selfone ug daghan pang uban.
Detinado karon sa Criminal Investigation and Detection Group (CIDG)-10.
