CAGAYAN DE ORO CITY – Kasuhan sa bana nga pulis sa pagsupak sa revised penal code o adultery ang iyang kapikas nga nurse sa dihang iyang nasapon nga gikadulog ang usa ka sakop sa Philippine Marine Corp sulod sa boarding house sa Phase 1,Bongbongon,Brgy Kauswagan ning syudad.
Subay sa Carmen Police Station,giila ang mga dinakpan nga sila si Jane Diaz,32 anyos nga taga-Brgy Lumbia ning syudad ug Philippine Marine Corp member PFC Junas Lyster Flores nga residente sa Talakag,Bukidnon ug nadestino sa Zamboanga Peninsula.
Miingon ang reklamante nga si Police Cpl Daryl Ray Diaz nga dako niyang kakurat kay pagsugat unta niini,siya ang nakurat kay may katupad nga lalaki ang iyang kapikas.
Gani,naglalis pa sila sa iyang kapikas kay dili kini pasudlon sa kuwarto diin atua nakatulog ang suspek nga mismo siya pa ang nagpukaw.
Gawas sa adultery,kasuhan usab sa kapolisan sa pagsupak gun ban ang suspek diin nakuha ang issued govt short firearm ug upat ka magazines nga loaded sa mga bala.
Samtang,nagdumili usab ang panig sa duruha ka suspek paghatag komento batok sa pasangil nga gibato kanila sa nag-reklamong pulis.
