Malampusong gitak-upan ang Association of Southeast Asian Nations o ASEAN Tourism Forum 2026 sa Cebu. Namahayag si Department of Tourism Secretary Christina Garcia Frasco nga ang kalihokan nagbutang sa Pilipinas sa unahan sa paghulma sa direksyon sa turismo sa rehiyon. Gipamugos sa kalihim nga nga pinaagi sa tema nga “Navigating Our Tourism Future, Together”, ang forum nagpakita sa panaghiusa sa mga ASEAN member states ug milusad sa ASEAN Tourism Sectoral Plan 2026–2030. Nakalatid sa plano ang kolektibong perspektibo alang sa malungtarong ug inklusibong industriya sa turismo. Gibutyag ni Frasco nga ang kusog nga lokal nga sistema ug kooperasyon sa mga nasud muresulta sa pagpanalipod sa mga destinasyon ug pagsuporta sa panginabuhi sa katawhan. Siya miingon nga nag pag-host sa Pilipinas naghatag sa dakong oportunidad sa ekonomiya, turismo, ug investment nga makabenepisyo sa nasud ug sa tibuok ASEAN Region.
