Nagpahigayon sa virtual meeting ang mga lideres nga milangkob sa Association of Southeast Asian Nation (ASEAN).
Ang Pilipinas isip chair sa ASEAN karong tuiga maoy nangulo sa virtual nga miting sa mga senior officials aron susihon ang epekto sa nag-usab nga sitwasyon sa Middle East sa kalibutan ug rehiyonal nga merkado sa enerhiya.
Giapil sa diskusyon ang kalig-on sa suplay sa lana ug gas, kalit nga pagtaas ug pag-ubos sa presyo, ug posible nga kalihokan sa supply chain.
Ang mga miyembro ug dialogue partners nagbahin sa kasamtangang kahimtang sa suplay ug nagtuki sa kooperasyon sa supply diversification, access sa enerhiya, transparency sa merkado ug emergency response.
Gipresentar sa mga technical briefing ang mga limitasyon sa dagkong ruta sa suplay ug ang pag-usab sa global trade flows nga nakaapekto sa rehiyon.
Gipalanog sa mga opisyal ang panginahanglan sa mas lig-on nga monitoring system, mas klarong datos ug estratehiya sa strategic stockholding ug emergency reserves.
Sa laing pamahayag, giingon sa ASEAN nga gikinahanglan ang kolektibong pag-andam ug koordinadong aksyon aron masugpo ang naglutaw nga risgo ug mapalig-on ang rehiyonal nga panaghiusa.
