Wala pa’y opisyal nga kumpirmasyon kung kinsa sa mga lider sa mga nasud ang motambong sa ika-49 nga ASEAN Summit, sumala ni Presidential Communications Office Usec. Claire Castro.
Matod ni Castro, base sa impormasyon gikan sa Department of Foreign Affairs o DFA, gilauman ang pagtambong sa mga lider sa mga nasud nga miyembro sa ASEAN, ingon man sa mga lider sa ASEAN Plus Three ug East Asia Summit.
Gilauman usab ang pagtambong sa United Nations Secretary-General alang sa ASEAN-UN Summit.
Gipasabot ni Castro nga kasagarang pipila na lang ka adlaw sa dili pa ang summit madawat ang pinal nga kumpirmasyon sa pagtambong sa mga lider.
Gani una nang gikumpirma sa Malacañang ang pagtambong ni United States President Donald Trump sa ASEAN Summit (jane abulag)
