CAGAYAN DE ORO CITY – Mitabok na sa ikaduhang distrito ang pagkuyanap sa African Swine Fever o ASF nga unang nakasulod sa syudad sa miaging pang semana.
Kini human kompirmaha ni Agusan Brgy Sec Kenneth Piloton nga nagpositibo ang blood sampling sa pipila ka baboy gikan sa zone 7 sa maong lugar.
Miingon si Piloton nga gilayong gitukod ang task force aron pugngan ang dugang ASF infections.
Una nang nakatala ang city agricultur’es office sa sobra libo ka baboy nga napatay gikan sa kabarangayan sa San Simon,Mambuaya ug apil ang Baikingon ning syudad.
Samtang gilayong gidalikyatan ni DA 10 regional director Carlene Collado ang konseho sa Brgy Agusan aron plantsahon ang gabayan sa posibleng ‘culling operation’ sa mga baboy nga gipangbuhi sa katawhan sa Zone 7 sa maong lugar.
Kini sa pagsiguro nga dali nga pugngan ang dugang pagpanakod sa ASF infection sa mga binuhi nga kababoyan sa maong brgy.
Miingon si Collado nga gawas sa 5-mil pesos nga ihatag sa national govt pinaagi sa DA,gitanyagan usab nila ang hog growers nga mo-avail sa insurance nga ten years to pay nga walay interes kon apektado ang ilang panginabuhian tungod sa ASF.
Dugtong niini,dili pa gihapon magkulang ang kaugalingong suplay sa mga baboy alang sa mga konsumante partikular dinhi sa syudad ug lalawigan.
Kini bisan kon tulo ka lungsod na sa Misamis Oriental ug upat ka brgy sa dakbayan ang nasudlan sa African Swine Fever o ASF ning bulana.
Gibutyag ni Northern Mindanao Hog Raisers Association Pres Leon Tan Jr nga pipila ka backyard growers lamang ang naigo ug wala matandog ang commercial farms sa rehiyon.
Maoy gikabalak-an ni Tan nga moubos ang suplay kon simbako masudlan sa hingpit ang ASF nga naggikan ang labing dako nga tinubdan sa mga baboy dinhi sa rehiyon.
