CAGAYAN DE ORO CITY – Mikatag pa ang African Swine Fever o ASF sa 18 na ka brgy sa dakbayan.
Kini human kompirmaha ni City Veterinary Office head Dr Lucien Anthony Acac ang pagsulod sa ASF sa mga brgy Bulua,Puntod ug Macabalan sa syudad kagahapong adlawa.
Miingon si Acac nga tungod niini,anaa na sa 978 ka hog raisers ang nawad-an sa mga binuhing baboy sa dihang giapubos sa ‘culling operations’.
Una nang nakasulod ang ASF sa kabarangayan Mambuaya, San Simon, Baikingon, Agusan, Puerto, Indahag, Macasandig, Carmen, Tablon, Patag,Canitoan, Pagatpat ug Tumpagon ning syudad.
Samtang nagpadayon usab ang pagpanghatag sa 2-mil pesos nga in·dem·ni·fi·ca·tion assistance alang sa apektadong magba-baboy sa dakbayan.Samtang nakasulod na usab ang ASF sa lungsod sa Opol,Misamis Oriental.
Gibutyag ni Provincial Veterinary Office head Dr Benjie Resma nga anaa sa duha ka hinterland brgy sa maong lungsod ang nasudlan sa ASF.
Miingon si Resma nga anaa sa napulo ka brgy ang positibo sa maong sikat nga nakabase sa lungsod sa Laguindingan,Initao ug Manticao ning lalawigan.
Siya miingon nga anaa sa mil- 080 ka baboy na ang na-cull samtang 2.6 milyon pesos na usab ang natunol nga ayuda sa kapitolyo probinsya sa mga apektadong mga nagbuhi sa mga baboy.
