CAGAYAN DE ORO CITY – Subling naigo ang mga baboy sa African Swine Fever sa usa ka lungsod sa silangang bahin sa Misamis Oriental.
Kini human natala ang ubay-ubay’ng mga binuhing baboy ang nangamatay tungod sa pagbalik takboy sa ASF sa lugar.
Namahayag si Dr. Benjamin ‘Benjie’ Resma,provincial agriculturist sa Misamis Oriental nga unang nahugon-hugon ang ASF infection hinungdan gilayon mikuha sila’g blood sampling sa mga baboy.
Nasubo kini nga gitaho kang Provincial Gov Peter Unabia kay positibo pagbalik sa ASF ang usa sa mga brgy sa Lagonglong.I
Ipaubos na unta sa green category gikan sa pink ang maong lungsod apan balik sa red status epekto sa maong hitabo.
Gitakdang mohimo’g ‘culling’ o pagpatay sa mga baboy ang team sa kapitol-probinsyal sa maong lungsod ugmang adlawa.
