CAGAYAN DE ORO CITY-Gikompirmar ni kanhi SP01 Gilberto Zafra nga manghimo-ay sa bomba si Reneer Lou Dungon kinsa lumad nga taga Lala, Lanao del Norte.
Matud ni Zafra nga mismo siya ang nakakita kang Dungon nga naghimo’g bomba tungod kay iya man kining naaktuhan sa dihang mihimo sila’g operasyon batok sa mga kauban niini.
Gani, gapamaliton lamang ni Dungon ang mga gamit sa improvised explossive device sa CD-R King- Iligan City.
Si Dungon ang naila nga sakop sa Abu Sayaff group human ang iyang igsoong babaye ang naminyo sa teroristang si Zulkifli bin Hir alyas Marwan kinsa napatay sa operasyon sa PNP-SAF sa Mamasapano niadtong Enero 25,2015.
Samtang giangkon ngon nga kabahin siya sa unom ka suspek nga namomba sa gawas nga bahin sa Maxandrea Hotel nga gikamatay sa duha ka sibilyan nga sila si Rudy Jute, bar attendant sa Welshire Inn ug Expidito Endan nga jeepney barker.
Si Zafra miingon nga gihimo kini sa grupo ni Dungon isip pagkondenar sa gihimo sa usa ka TV station nga pagdaut sa ilang relihiyon.
Duha ka bomba ang ilang gi-plano nga ipabusikad apan usa lamang ang mibuto.
