CAGAYAN DE ORO CITY – Sampulan sa buhatan ni City Local Environment and Natural Resources Office o CLENRO manager Engr Armen Cuenca ang pipila ka aspiring candidates nga nangahas pagsupak sa ordinansa nga likayan ang pagpamutang sa ilang political materials sa mga punuan sa kahoy.
Kini human unang naka-kompiskar ang iyang buhatan sa sobra 70 ka materials diin 32 niini gipanag-iya sa pipila ka local ug national aspiring candidates sa 2025 elections.
Miingon si Cuenca nga dugay nang adunay ordinansa nga nagdili nga ipamutang sa mga punuan sa kahoy ang mga tarpuline apan nagpaka-ignorante ang maong mga kandidato.
Kini ang rason nga lugwaan nila sa notice of violation aron mo-esplikar kon nganong dili sila angay manubag sa maong kalapasan.
Hisayrang subay sa gabayan sa Comelec,sunod tuig pa gitugtan ang mga kandidato makahimo sa ilang pagpangampanya.
