CAGAYAN DE ORO CITY, Philippines – Mupakang sa international sanction si US President Donald Trump sa mga kadagkuan sa International Criminal Court (ICC).
Ang desisyon ni Trump nanukad sa dili tawhanon, walay hurisdiksiyon, walay otoridad ug walay bili nga mga pamalaod nga gi-imposar sa ICC batok gobyerno sa Israel.
Kagahapon, gipakanaug ni Trump ang iyang Executive Order nga batok sa walay basihan ug dili lehitimo nga pagpakang sa sanctions sa Israel ug sa ubang pang-ka-alyado nga nasud sa Amerika.
Lakip sa sanctions ang pagpabugnaw sa tanan assest, ug travel ban sa Amerika sa tanan ICC officials, kuyog ang tanan pagbiyahe sa mga indibidwal nga mitabang sa imbestigasyon sa ICC, ug mitarget sa tanan alyadong nasud sa Amerika ug sa mismong mga trabante sa gobyerno sa Amerika.
Una niini, gikondinar ni Trump ang arrest order sa ICC batok Israeli Prime Minister Benjamin Netanyahu ug former Defense Minister Yoav Gallant nga nakigbatok sa mga teroristang Hamas sa Gaza ug mipatay sa libuang ihap sa mga Hudyo niadtong Oktobre 7, 2023.
