Miabot na ang mga ambulansya sa Beirut hospital nga direktang miadto sa morgue diin gikarga ang mga lawas ug parte sa lawas aron mailhan sa mga pamilya human sa pinakagrabe nga pag-pamomba sa Israel sa kapital.
Hisayran nga labaw sa 250-ka tawo ang namatay niadtong Miyerkules, nga nalakip sa walay pasidaan nga pag-pamomba sa sentro sa Beirut, ug hangtod karon nagpadayon pa ang mga rescuer sa pagpangita sa mga lawas ilawom sa mga guba nga building.
Lakip sa mga biktima ang teenager nga pag-umangkon ni Kheir Hamiyeh, samtang ang iyang gamayng pag-umangkon nga si Khadija nasamdan ug gitabonan ang nawong human mahulog ang ilang balay.
Sumala usab ni Zeinab, usa ka inahan nga siya mismo ang nagdala sa mga lawas sa iyang bana ug 13-anyos nga anak ngadto sa ubos nga andana, samtang daghang Lebanese ang nagpahayag sa duda sa kasaligan sa panawagan sa Israel nga ceasefire. (by Phillip Ariata)
